Itsinda Urban Boys riritegura kumurikira abanyarwanda alubumu yabo ya gatatu bise “Batatu kurugamba” mu mpera z’iki cyumweru ku itariki ya 24.11.2012 I Kigali no ku itariki 25.11.2012 I Musanze mu Ntara y’Amajyaruguru.

Aba basore batatu Nizzo, safi na Humble Jizzo bamaze iminsi myinshi mu myiteguro yo kumurika alubumu yabo ya gatatu babifatanyijemo n’umujyanama wabo Alex Muyoboke.

Iyi myitozo myinshi cyane nk’uko babitangaza, ngo ni ukugira ngo bazashobore guha abanyarwanda ndetse n’abandi bose bazaza muri ibi bitaramo umuziki w’umwimerere (Live) dore ko abantu batagikunda kwitabira ibitaramo bya playback ari benshi.

Aba basore kandi imyitozo yabo si ukuririmba live gusa kuko ngo bazanabyinira abafana babo kahave. Aba basore basanzwe bazwiho kugira indirimbo nziza kandi zibyinitse, basanzwe banazwiho kugira udushya twinshi mumibyinire yabo.

Baranatangaza kandi ko igitaramo cyabo kizaba ari Live 100% haba kuribo ndetse no kubandi. Iri tsind riherutse gushyira hanze indirimbo nziza cyane bise “Bibaye” ikaba yaragaragayemo umukobwa w’umunyamideli muri East Africa Nancy Nas Muhamed ukomoka kumuhinde n’umunyarwandakazi.

Izindi ndirimbo zabo zakunzwe cyane ni nka Take it off, Bibaye, BMW, Sipiriyani, Gira icyo uvuga, Wampoye iki? N’izindi.

Abahanzi bazagaragara muri ibi bitaramo byo kumurika alubumu “Batatu kurugamba” ni Jackie Chandiru wo muri Uganda banakoranye indirimbo “Take it off” na Washington bakoranye iyitwa BMW (Be My Wife), Kitoko, Priscilla, Knowless, Kamichi, Jay Polly, Young Grace, Riderman, King James, Ama-G The Black, Uncle Austin, Allioni, Bruce Melody, Jules Sentore  Lil G n’abandi.

Kwinjira mugitaramo kizabera kuri sitade Amahoro I Remera muri Parking kuri uyu wa gatandatu tariki 24.11.2012  ni amafranga y’u Rwanda 5000 mu myanya y’icyubahiro (VIP) na 2000 ahandi, iki gitaramo kikazatangira ku isaha ya saa kumi n’ebyiri z’umugoroba.

Igitaramo kizabera I Musasnze muri Salle Muhoza kuri iki cyumweru tariki 25.11.2012 guhera ku isaha ya saa cyenda z’amanywa (3pm) ni amafranga y’u Rwanda 3000 mu myanya y’Icyubahiro (VIP) na 2000 ahandi.